📍Mr. Crab by The Captain's House (灣仔)
灣仔莊士敦道74-78號一樓及地下C號舖
======================================
雖然我上次黎食個陣已經係半年前，今次黎menu其實都冇乜大改變，係價錢貴左囉😆今次都係坐卡位，同朋友傾偈都舒服啲😁除左最出名既海鮮，其實都有普通既dinner set menu，所以唔係局限淨係食海鮮架👆🏻
.
🦞波士頓龍蝦 $388/1pc (4/5)
大扇貝 $238/3pcs (3.5/5)
松葉蟹腳 $198/300g (4.5/5)
不過黎到我都係要食最signature既海鮮袋，本身menu已經有四款combo，但如果配搭唔合你口味，你可以選擇自選海鮮，tailor-made出一個自己鐘意既海鮮袋🤩原本想揀麵包蟹，但賣哂冇得食😢所以就自選左波士頓龍蝦🦞、大扇貝同松葉蟹腳🦀醬汁有三款可以揀，我地就揀左唯一一款唔辣既檸檬刁草忌廉醬汁。留意要最少叫三款海鮮先會配埋三款配菜，包括腸仔，粟米同薯仔😋海鮮好新鮮，龍蝦大隻啖啖肉，大扇貝厚肉結實👍🏻松葉蟹腳好大條呀😯而且鮮甜多肉。點埋個汁，酸酸甜甜，又唔會蓋過海鮮既味道😋😋😋
.
🐮牛摩串燒 $78/2串 (3.5/5)
其實食完個海鮮袋已經開始飽🤣好彩個串燒唔係好大條😝有三款醬可以揀，我就揀左花生醬。牛肉本身有啲辣，點左花生醬即刻減辣，原來牛肉同花生醬都可以咁夾😌
.
🍹Fresh Jade $68 (4/5)
我點既呢杯mocktail用左蘋果汁加埋蘇打同蜜糖，甜甜地又幾好飲喎🥰入面仲放左幾片新鮮青瓜，好fresh！不過就會好易飲到啲核😂😂
Search